كلمات سامحني مكتوبه باسم الكربلائي الشاعر علي السقاي
كلمات سامحني مكتوبة
الرادود باسم الكربلائي
كلمات الشاعر علي السقاي
- هيئة الزهراء للعزاء المركزي | العراق - النجف الأشرف
- جمادى الاولى :: 2022-1444
- ~~~~~~~~~
- قصيدة : سامحني مكتوبة
- الرادود : باسم الكربلائي
- كلمات : علي السقاي
- ~~~~~~~~~
- كتابة القصيدة : موقع صوت مكتوب
- تصوير : اعلام باسم ميديا
- مونتاج : Bk medai
- مكساج : Bk medai
سامحني واقبل عذري
مجبوره أمضي الكبري
وحدك أعوفك يا حيدر
وحدك أعوفك
افراكك يعشرة عمري
أصعب علي من كسري
وحدك أعوفك يا حيدر
وحدك أعوفك
حيرني وضعك ماريد اودعك
~~~~~
علي يالما كفو غيرك إلي ابهالكون
مثل زيجتنه لا كان أو أبد ميكون
أمر مكتوب من كبل القلم والنون
علي وي فاطمه ابفد منزل اينزلون
محمد والدي ظل يعتبرنه اعيون
ليش الكوم رادوا للنبي يعمون
البيعه انكثوا بغيابه
أو ماحتى جف اترابه
ابحقك أداعي ياحيدر
ابحقك أداعي
عاليدعون اصحابه
درعك صرت بمصابه
ابحقك أداعي ياحيدر
ابحقك أداعي
يالمَهري درعك ماريد اودعك
~~~~~
المستهل
~~~~~
كل واحد يأدي يا علي دوره
وانا الأديت دوري ابأكمل الصوره
لجل عيناك عيني الحمره مسطوره
أو لجل جبر الولايه اضلوعي مكسوره
ما أطلب جزا واتكلّي مشكوره
الطلب تعذرني لو عالفركَه مجبوره
تدري يحلو الملكَه
محد يريد الفركَه
يصعب وداعك ياحيدر
يصعب وداعك
أحجي ابدليلي الحركَه
وابعبرتي مختنكه
يصعب وداعك ياحيدر
يصعب وداعك
يالوافي طبعك ما اريد اعوفك
~~~~~
المستهل
~~~~~
أنا كلشي إلك وانته إلي كلشي
فخر يكفيني كلبك ياعلي عرشي
قسم باللي انطعن صدره ابرمح وحشي
رمح فركاك صعبلي غمض رمشي
الموت الموت أريده أو يتحمل نعشي
لجن ماريد عنك أرحل أو أمشي
متحيرات اجروحي
اتفيض أو تعرج روحي
لو أبقى يمك ياحيدر
لو أبقى يمك
يالتصغي صمتي او بوحي
ترخصني يخمد نوحي
لو أبقى يمك ياحيدر
لو أبقى يمك
امر واسمعك ما اريد اودعك
~~~~~
المستهل
~~~~~
أنا اللي ابكل حروبك من جنت ترجع
أَضمدك ياحبيبي أو أذرف المدمع
غميجه اجروحك أو جانت دمه تنبع
أو تكابر عالألم جدامي بالأنزع
لجن هاليوم اشوفك وانته تتوجع
مو هينه أعوفك وامضي للمضجع
بانت عليك آلامك
من جدمك الحد هامك
تبجي اعله حالي ياحيدر
تبجي اعله حالي
منهو اليجر اسهامك
وانته أبأشد أيامك
تبجي اعله حالي ياحيدر
تبجي اعله حالي
يالتجري دمعك ماريد اودعك
~~~~~
المستهل
~~~~~
على احساسك أخافن مو على احساسي
لهذا امن احتضر ماريدك اتقاسي
خل نفرض وسط حجرك تحط راسي
أو بين ايديك ألفظ آخر أنفاسي
هالصوره تظل تذكرها ماناسي
يعز اعليه حالك يا أعز ناسي
يا ابالحسن خليني
وحدي أو أغمض عيني
رحمه ابشعورك ياحيدر
رحمه ابشعورك
اولا تمسح اعله اجبيني
أو يمك أمد ايديني
رحمه ابشعورك ياحيدر
رحمه ابشعورك
ذكرى أو تصدعك ماريد اودعك
~~~~~
المستهل
~~~~~
المحب الوي حبيبه ايعيش كل دنياه
ابساعة موته ميريده ايتأذه اوياه
يجيني الموت إنا يا علي لله
أو على امصلايتي أترقبه أو أرجاه
تفيض الروح من صدري ابزفير الأه
أو تجي امن المسجد أو بس الجسد تلكاه
اختم سور قرآني
أو أتشهد ابأحزاني
مابيه مهجة يا حيدر
مابيه مهجة
ميته ابقهر تلقاني
واشما تهز جثماني
مابيه مهجة يا حيدر
مابيه مهجة
والدمعه شرعك ماريد اودعك
~~~~~
المستهل
~~~~~
أموتن واجده اعله افلان ويه افلان
ابسببهم أنحرم منك يبو الوجدان
علي ابموتي يعظم أجرك الرحمن
او تعزيك الملايك والإنس والجان
سياف الحرايب جنت بالميدان
أو دفان الحبايب صرت بالأحزان
الباري ابجلالة ذاته
أو حالك ابآياته
صبراً جميلاً يا حيدر
صبراً جميلاً
جفنك جرت عبراته
غص قلبك اباهاته
صبراً جميلاً يا حيدر
صبراً جميلاً
موتي يفجعك ماريد اودعك
~~~~~
المستهل
~~~~~
وحكك ياللي حكك يا علي اتسلب
كبل بابي ابغديرك أشتكي للرب
أدري ابموتي شارك داخلك يلهب
ألا تبت إدين اللي دفعني أو تب
يمن صبرك غده من كل حرب أصعب
التزامك بالوصيه ابهالأمر أوجب
لوما صبرت اعليهم
جان اشيسوي بيهم
حد ذو الفقارك ياحيدر
حد ذو الفقارك
لا رقبه يترك ليهم
أو لجهنم ايوديهم
حد ذو الفقارك ياحيدر
حد ذو الفقارك
اوصية وتمنعك ماريد اودعك
~~~~~
السمتهل
~~~~~